ప్రజాశక్తి-రైల్వేకోడూరు(అన్నమయ్య) : రైల్వేకోడూరు నియోజకవర్గంలో గత రాత్రి గాలి వాన బీభత్సం సృష్టించడంతో దాదాపు 73 ఎకరాలలో అరటి పంట నష్టం జరిగిందని ఉద్యానవన శాఖ అధికారి భాస్కర్‌ తెలిపారు. ఈ సందర్భంగా ఆయన మాట్లాడుతూ.. కోడూరు మండలంలోని ఎస్‌ ఉప్పరపల్లె, చియ్యవరం గ్రామాలలో 20 ఎకరాలలో, ఓబులవారిపల్లె మండలంలోని వై.కోట గాదెల గ్రామాలలో, పుల్లంపేట మండలంలోని అప్ప రాజుపేట గ్రామానికి చెందిన రైతుల అరటి తోటలు దెబ్బతిన్నాయని, ఈ మేరకు పంట నష్టానికి సంబంధించి అంచనాలు సిద్ధం చేసి ఉన్నతాధికారులకు పంపుతున్నామని ఆయన తెలిపారు. ప్రతి ఏడాది పంట చేతికి వచ్చే సమయానికి ప్రకృతి వైపరీత్యాలతో తీవ్ర నష్టానికి గురవుతున్నామని ప్రభుత్వం పంట నష్టపరిహారం అందించి ఆదుకోవాలని రైతులు కోరుతున్నారు.
తాజా వార్తలు
